Categories
ماكينات صناعية

ماكينة نفخ الزجاجات البلاستيك مقدمة من شركة المهندس منسي

ماكينة نفخ الزجاجات البلاستيك مقدمة من شركة المهندس منسي

ماكينة نفخ الزجاجات البلاستيك مقدمة من شركة المهندس منسي
ماكينة نفخ الزجاجات البلاستيك مقدمة من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : شركة المهندس منسي
المهندس منسي : أيوه معاك
العميل : إحنا عايزين حضرتك بنسأل على مكنة نفخ بلاستيك اللي بتنفخ الأزايز وبتنفخ عبوات اللوليتا
المهندس منسي : مكنة نفخ البلاستيك اللي هي إيه بقى؟ إنت عايزها بي إي تي ولا بولي إيثيلين؟
العميل : أنا ما أعرفش نوعها بالضبط لأني لسه ما أشترتهاش، يعني أنا فاهم في المكن التاني لكن النفخ مش قد كده، اللي هي تنفخ العبوات البلاستيك زي مثلاً إزازة المياه، العبوات اللوليتا، الداندورما الأشكال
المهندس منسي : لأ عبوة اللوليتا غير عبوة المياه، إزازة المياه دي معمولة من خامة اسمها بي إي تي، أما عبوة اللوليتا معمولة من خامة اسمها بولي إيثيلين
العميل : دي الخامة، لكن المكنة واحدة؟
المهندس منسي : لا المكنة دي غير دي، الـ بي إي تي حاجة اسمها تو شوت، يعني مرحلتين، يعني بشتري البريفورم وبتحطه يتسخن يتنفخ، أما بالنسبة للبولي إيثيلين..

 

Categories
ماكينات صناعية

ماكينة لف الألومنيوم والاسترتش مقدمة من شركة المهندس منسي

ماكينة لف الألومنيوم والاسترتش مقدمة من شركة المهندس منسي

ماكينة لف الألومنيوم والاسترتش مقدمة من شركة المهندس منسي
ماكينة لف الألومنيوم والاسترتش مقدمة من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : شركة المهندس منسي
المهندس منسي : أيوه
العميل : حبيبي، عندكم مكاين لف الألومنيوم والاسترتش؟
المهندس منسي : آه موجودة آه
العميل : أوكيه، عشان باجي أشوفها بكرة إن شاء الله، فين مكانكم والعنوان؟ على أساس بشوف المكاين قدامي شغالة
المهندس منسي : عايز تشوفها شغالة؟
العميل : آه عايز أشوفها شغالة وشو المشاكل اللي عندكم
المهندس منسي : طب أستأذنك اتواصل مع المبيعات
العميل : أوكيه يا الله شكراً

 

Categories
ماكينات صناعية

ماكينة تصنيع لي الشيشة مقدمة من شركة المهندس منسي

ماكينة تصنيع لي الشيشة مقدمة من شركة المهندس منسي

ماكينة تصنيع لي الشيشة مقدمة من شركة المهندس منسي
ماكينة تصنيع لي الشيشة مقدمة من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : أنا شفت الإعلان على جوجل بتاع الليات الشيشة
المهندس منسي : إنت عايز اللايات
العميل : لا يا باشا انا عايز ماكنة اللي بتصنعه
العميل : تمام ماشي، ينفع حضرتك تديني أسعار طيب؟ وخامات إيه؟
المهندس منسي : حضرتك ممكن تتابع مع المبيعات

 

Categories
ماكينات صناعية

خط إنتاج صابون تواليت مقدم من شركة المهندس منسي

خط إنتاج صابون تواليت مقدم من شركة المهندس منسي

خط إنتاج صابون تواليت مقدم من شركة المهندس منسي
خط إنتاج صابون تواليت مقدم من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : شركة المهندس منسي
المهندس منسي : أيوه
العميل : حضرتك كنت بسأل على خط إنتاج صابون تواليت
المهندس منسي : آه
العميل : أنا شفت مواصفاته حضرتكم كنتم طالبين فيه 40 ألف دولار صح
المهندس منسي : آه ده الخط الكبير
العميل : بينتج أد إيه حضرتك
المهندس منسي : أنا مش متذكر، في بقى خطوط 30 كيلو في الساعة، وفي خط 80 كيلو في الساعة، وفي خط 100 كيلو في الساعة، و 150 كيلو في الساعة، و 250 كيلو في الساعة
العميل : طب حضرتك ممكن أسأل إيه الفرق ما بين الخط المصري وبين الخطوط الإيطالي؟
المهندس منسي : هو مش مصري، إحنا بنعمل تصميمات زينا زي الإيطالي بالضبط، وبنصنع قطع الغيار بره وبعد كده بنجمعها
العميل : طب حضرتك ممكن.. طب جودة المكنة يعني مثلاً أنا هصنع بيها الصابونة هي نفسها…
المهندس منسي : هي جودة الصابونة بتعتمد على حاجتين على المكرونة بتاعتك اللي إنت حطتها وعلى الاسطمبة، الاسطمبة شكلها نظيف وكويس هيطلع لك مضبوط
العميل : أيوه أنا فاهم
المهندس منسي : إنت بتتكلم مع ماركة، المهندس منسي ده ماركة عالمية، براند عالمي
العميل : أنا فاهم يا فندم عشان كده اتصلت بحضرتك، أنا اتصلت بشركات قبل كده وحسيت إن الموضوع في شيء من النصب لما سألت، فعشان كده بكلم حضرتك
المهندس منسي : تحت أمرك في أي وقت، إحنا كنا عارضين في معرض الصين الدولي وبنبيع للأوروبيين، فهنا المنتج غزا العالم
العميل : تمام.. طب حضرتك أنا سألت على المكن الإيطالي في مكن مثلاً معدي الـ3 مليون جنيه
المهندس منسي : ما هو مستوى المعيشة، يعني إنت النهاردة لما تيجي تجيب ساندوتش الصبح في مصر بتجيبه بـ 5 جنيه مثلاً أو 3 جنيه، لما تيجي تكون قاعد في إيطاليا أو ألمانيا بتجيبه بـ 5 يورو
العميل : تمام
المهندس منسي : اقسم سعر اللي همه عملوه ده على 18 هتلاقينا إحنا نتفوق، يعني انهيار العملة بتاعتنا مصلحة ومش مصلحة، مصلحة لينا إحنا، إن إحنا النهاردة بقينا نقدر نصنع وننافس، أرخص دولة في العالم كانت الصين، إحنا دلوقتي بقينا أرخص منها
العميل : صح كلامك مضبوط، لأ هو الكلام في التليفون مش نافع
المهندس منسي : بص سيادتك أنا دارس رفيرس إنجنيرينج في جامعة هاجن في  ألمانيا، كنت هناك في حاجة اسمها قسم التصميم والتطوير والابتكار، دول صفوة الصفوة بتاعت كلية هندسة، يكفي إن أنا أقولك واحد أو اثنين من الألف همه اللي بيخشوا القسم ده
العميل : ربنا يزيدك علم يا رب
المهندس منسي : أنا بتعامل زيي زي المهندس الألماني، ما بقاش النهاردة يصنع في ألمانيا، لأن القيود الصناعية في ألمانيا عندهم صعبة ومرهقة جداً، فهو بيصنع السبير بارتس بره وبعد كده يجمعها في ألمانيا، ويحط عليها قيمة مضافة في حدود 20-25 % أياً كانت، وبعد كده السوفت وير بس ويكتب عليها ميد إن جيرمني
العميل : أيوه فعلاً ده اللي بيحصل دلوقتي، بس أنا عايز أسأل خط الإنتاج الصابون ده كله صناعة مصرية ولا هوه حاجات متجمعة من بره ومتقفلة في مصر
المهندس منسي : أيوه.. على الأقل خالص 75-65% جاية من بره
العميل : طب أنا ممكن معلش المكن الإيطالي مثلاً أو الألماني غالي عن الخط بتاع حضرتكم، فالجودة نفسها هتفرق معايا لو المكن جاي من بره
المهندس منسي : أكيد لأ… يا هندسة أنا اللي مصمم المكنة، بتخذ سياسة غير اللي موجودة، السياسة اللي موجودة حالياً بيروح مكنتين 3 من الصين ويقعد يبيع كلام عليها، يستغل جهل ثقافة العميل بالعمليات الصناعية، يعني في عميل بيقولي عايز مكنة شرينك يكون السخانات بتاعها حديد، قلتله حديد إزاي، أثبت علمياً إن السخانات الكوارتز أفضل من السخانات الحديد، قالي لا عايزها حديد، قلتله خلاص نشيلك الكوارتز ونعملهولك حديد، فهنا النهاردة ييجي يستغل عدم ثقافة العميل ويتكلم في حاجات عفى عليها الزمن في الصناعة، مثلاً هقول لحضرتك، في قطع في مكن أتوماتيك بتبقى معمولة من خامات بلاستيك حاجة اسمها تيفلون أو أرتيلون، دي معمولة ليها هدف، إيه؟؟ تقلل النويزي يقوم يخف معاك الفيبريشن في المكنة اللي هو الاهتزاز يقوم يزود عمر المكنة أكتر، يعني زي ما تيجي تركب عربية تلاقيها ناعمة، وتركب عربية تانية تلاقيها خشنة أنهي الصلاحية بتاعتها تنتهي بدري، اللي هي صوتها خشن، اللي هي ديزيل مثلاً، فييجي يستغل نقطة زي دي ويقولك ده فيها ترس بلاستيك، هو يعني الترس البلاستيك مصنعيته كام ساي 50 جنيه، والترس الحديد مصنعيته كام؟؟ برده 50 جنيه، كل الفرق الفرق في الوزن بس مافيش أكتر من كده، أروح شايله الترس البلاستيك وأقوله الحديد أهو خليه في إيدك ولكن اللي إحنا عملناه هو الصح
العميل : تمام.. أنا مقتنع بكلام حضرتك، بس حضرتك عارف مصنع دورو مثلاً بتاع الصابون
المهندس منسي : آه أسمع عنه
العميل : هو حضرتك جايب مكن إيطالي برده، أكيد أحسن؟
المهندس منسي : أنا ما بقولش إن الطلاينة ناس مش كويسة، الناس دي أساتذتي، الألمان أساتذتي، زملائي في الجامعة كانوا طليانة وألمان كانوا محترمين جداً، رأيت فيهم الإسلام دون الإسلام، فكل دول على عيني وعلى راسي، أنا بقولك اللي عندي، اللي عندي نوعية أنا أثق فيها، بديلك ضمان سنة ضد عيوب الصناعة، 5 سنين توفير قطع الغيار، يكفي إن المكنة بتاعتي سهلة جداً بسيطة جداً وسهلة التشغيل
العميل : طب الجودة بتاعت المنتج اللي هيطلع نفس الجودة…
المهندس منسي : يا حبيب قلبي جودة المنتج لا تعتمد على المكنة، جودة المنتج تعتمد على حاجتين 2: المكرونة بتاعت حضرتك اللي إنت هتحطها، الصابون في حد ذاته بيبقى مكرونة، لأنه بعد عملية التصبن بيخش على اكسترودر يطلعهولك ندل، يعني زي المكرونة الاسبجيتي، فبنقول عليها مكرونة في مصر، فالندل بعد كده المكن بيتعامل معاه، بعد كده الندل بتاعتك اللي هي المكرونة، والاسطمبة، الاسطمبة متنعمة صح، وواخدة ميكانيزم صح، والكبس بتاعها صح، خلصت.. كده اعتمدنا على الشكل، كده بتكلم في الشكل، بنتكلم في القيمة دي بتاعتك
العميل : هي الفكرة في الاسطمبة فعلاً عشان ما تطلعش رايش
المهندس منسي : بص وحد الله الاسطمبة دي كشكل، دي بتاعتنا إحنا في آخر مرحلة في مرحلة القولبة
العميل : طب حضرتك ممكن قبل ما أستلم الخط ممكن أستلم عينة منه؟
المهندس منسي : أكيد إنت ما بتستلمش أساساً إلا لما بنشغل قدامك تشغيلة، وبنعمل حاجة اسمها تست وورك لايف، يعني تشغيل طبيعي وردية كاملة
العميل : تمام.. طب حضرتك ممكن سؤال، طب ممكن المكرونة اللي بتيجي دي الأفضل إن أنا أصنعها ولا أستوردها من بره
المهندس منسي : الشركات في مصر اللي بتصنع المكرونة بقت أكتر من بره كتير ولدرجة إن همه كمان بقوا يصدروا بره، في ناس كتيرة راحوا في الإمارات وفتحوا مكاتب وبيبيعوا لمصر على أساس إنها مصنوعة في الإمارات وهي مصنوعة في مصر، استغلوا فرصة ده جايه من دبي
العميل : آه.. آه..
المهندس منسي : تخيل المصيبة إحنا وصلنا لإيه.. طب خد عندك بقى التانية، ناس فتحوا في الإمارات وبيجيبوا حاجات من الصين ويحطوها في مصر، وإنت حضرتك تتصل بيه على أساس إنه من الإمارات، ويطلع لك الحاجة من مصر
العميل : آه… طب هقول لحضرتك على حاجة
المهندس منسي : يا ريت يبقى ثقتنا في نفسنا أعلى من كده، أنا ما بعملش كل شغلي في مصر، لأنه مافيش دولة بتعيش لوحدها، أنا بشتغل على مستوى العالم، النهاردة اليابان تتفوق في كارتة فجيبت كارتتي من اليابان، تتفوق في الكارتة في الجودة والسعر
العميل : تمام طب حضرتك يعني إنتم ما بتبوعوش خطوط إنتاج مكرونة صح؟ صابون بس
المهندس منسي : لا ما هو إنت لو طالبتيني بالإنتاج من أول الغلاية والاكسترودر اللي معاها هعملك الغلاية والاكسترودر اللي معاها، أنا بدور لك على مصلحتك إنت، بالنسبة لي إن أنا أبيع مكن أكتر، ولكن مش هدور على مصلحتي في مقابل إنك إنت تتضر، النهاردة الناس دي بتصنع الطن مثلاً بألف جنيه ولا بتاع، ليه بقى؟؟ عندهم خطوط فيري ماكس برودكشن، فإنت هتروح فين فيهم؟؟!!!
العميل : ما هو هقول لحضرتك على حاجة، المكرونة دي بتتصنع من الزيت، والزيت ده بييجي من ماليزيا، ماليزيا معروفة
المهندس منسي : زيت شلغم ولا زيت إيه اللي بيجبوه من ماليزيا؟
العميل : اللي هو زيت النخيل
المهندس منسي : آه.. في زيت أرخص اسمه زيت الشلغم
العميل : لا إحنا حضرتك عايزين قاعدة عشان ألم بالموضوع
المهندس منسي : ماشي أنا في انتظار حضرتك تعالى وقابلني، أنا موجود يوم السبت والثلاثاء وباقي أيام الأسبوع بكون في فروع باب الشعرية، موجود من الساعة 5-11 ماعدا الجمعة الأجازة الأسبوعية
العميل : مش مشكلة المكان ممكن أجيلك في أي مكان نتفق عليه، الفكرة إن حضرتك شغال طول الأسبوع ماعدا أيام إيه؟
المهندس منسي : الجمعة بس الأجازة الأسبوعية
العميل : طب بكرة أكلم حضرتك على إمتى
المهندس منسي : أنا موجود من 5-11
العميل : حلو الميعاد ده
المهندس منسي : تيجي تنورني في أي وقت
العميل : يا باشا هكلم حضرتك إن شاء الله قبل ما آجي لحضرتك
المهندس منسي : في انتظارك يا غالي، ماشي يا باشا مع السلامة
العميل : اتفضل يا فندم

 

Categories
ماكينات صناعية

خط إنتاج مياه معدنية مقدم من شركة المهندس منسي

خط إنتاج مياه معدنية مقدم من شركة المهندس منسي

خط إنتاج مياه معدنية مقدم من شركة المهندس منسي
خط إنتاج مياه معدنية مقدم من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : شركة المهندس منسي
المهندس منسي : أيوه
العميل : كنت بسأل على خط إنتاج مياه معدنية، فكنت شفت منتجات على حضرتك على النت، أنا هنا في باب الشعرية حضرتك فاتحين دلوقتي؟
المهندس منسي : آه موجودين آه
العميل : إنت جنب الحي مش كده؟
المهندس منسي : إحنا ورا رئاسة الحي
العميل : ماشي حبيبي، أنا إن شاء الله جايلك دلوقتي أهو
المهندس منسي : تيجي تنورني
العميل : شكراً، مع السلامة

 

Categories
ماكينات صناعية

خط إنتاج المكرونة مقدم من شركة المهندس منسي

خط إنتاج المكرونة مقدم من شركة المهندس منسي

خط إنتاج المكرونة مقدم من شركة المهندس منسي
خط إنتاج المكرونة مقدم من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : شركة المهندس منسي
المهندس منسي : أيوه
العميل : أنا كنت شفت عندكم خط إنتاج مصنع مكرونة، فكنت بعمل دراسة كده لأني ناوي إن شاء الله أفتح مصنع فكنت بسأل على تكلفته إيه وكده
المهندس منسي : إن شاء الله، هو اللي عندنا مش مصنع مكرونة أكتر من إنه مكنة تعبئة وتغليف المكرونة، هو الناس بيختلط عليها الأمر
العميل : لا أصل اللي أنا شفته حضرتك كنت حاطط صورة خلاط.. يعني خط كامل يعني
المهندس منسي : مضبوط آه، لأن كنت في الأول كنت حاطط دراسات كاملة عن المصانع وحاجات ديت، ولكن الناس ما بتنفذش، التنفيذ قليل جداً
العميل : طيب هل حضرتك تعرف توجهني لو أنا عايز أعمل خط يبقى سعره تقريباً إيه؟
المهندس منسي : ما هو أغلب الناس 99.9% بيتصلوا عشان السعر وبس، فصدقني أنا لو متذكر أسعار كل الحاجات اللي أنا حططتها من قبل سنة 2011 صدقني ما كنت هتأخر عنك أبداً، لأنه قبل 2011 حاجة، وبعد 2013 حاجة تانية، السياسة اتغيرت وبقت حاجة تانية
العميل : آه طبعاً
المهندس منسي : إحنا كنا فاتحين في عموم الصناعة، ولكن قلصنا الدنيا على الآخر في التعبئة والتغليف بس عشان خاطر التشديد على الاستيراد وكده، والناس لما الجنيه قيمته قلت فاللي ما كنش بينفذ قبل 2013 دلوقتي ما بقاش ينفذ خالص
العميل : تمام مضبوط
المهندس منسي : آه بيفاجأ بالأسعار لأن الأسعار يعتبر اضربت × 3
العميل : تمام مضبوط
المهندس منسي : هو فكره إن كده الأسعار غالية، لا ما هو الجنيه هو اللي نزل
العميل : طيب ما تعرفش حضرتك حاجة تقريبية لأن أنا لسه بدرس المشروع ومش عارف هل أقدر أخش فيه ولا لأ، فتعرف تقريباً ممكن يبقى يتكلف إيه مثلاً؟
المهندس منسي : أنا ممكن أساعدك في حاجة، ممكن تراسل الشركة على الإيميل وهمه في اتصالات ما بينا وبين مكتبنا في الصين، فهمه هيراسلوا ليك ويجيبولك السعر ويجيبولك كل حاجة ويتعاملوا معاك
العميل : خلاص تسلم، تعبتك معايا
المهندس منسي : مع السلامة

 

Categories
ماكينات صناعية

عصارة قصب يدوية مقدمة من شركة المهندس منسي

عصارة قصب يدوية مقدمة من شركة المهندس منسي

عصارة قصب يدوية مقدمة من شركة المهندس منسي
عصارة قصب يدوية مقدمة من شركة المهندس منسي

العميل : السلام عليكم

المهندس منسي : عليكم السلام

العميل : ممكن أحصل على عصارة قصب يدوية

المهندس منسي : راسل الشركة على إيميل info@m2pack.com

Categories
ماكينات صناعية

خطوط إنتاج المياه المعدنية مقدم من شركة المهندس منسي

خطوط إنتاج المياه المعدنية مقدم من شركة المهندس منسي

خطوط إنتاج المياه المعدنية مقدم من شركة المهندس منسي
خطوط إنتاج المياه المعدنية مقدم من شركة المهندس منسي

العميل : صباح الخير

المهندس منسي : صباح الخير

العميل : كنت محتاج زيارة فرد من أفراد مبيعات شركتكم الموقرة لنا بخصوص خطوط إنتاج المياه المعدنية مزود بالصور والأسعار ونكون شاكرين ومقدرين. مجموعة شركات عباد الرحمن. الشرقية م. يحيى

المهندس منسي : من فضلك راسل الشركة على إيميلل info@m2pack.com

العميل : بعت رسالة على الإيميل

 

Categories
ماكينات صناعية

خط إنتاج المناديل المبللة مقدم من شركة المهندس منسي

خط إنتاج المناديل المبللة مقدم من شركة المهندس منسي

خط إنتاج المناديل المبللة مقدم من شركة المهندس منسي
خط إنتاج المناديل المبللة مقدم من شركة المهندس منسي

العميل : السلام عليكم ورحمة الله وبركاته

المهندس منسي : عليكم السلام ورحمه الله

العميل : شركة المهندس منسي

المهندس منسي : ايوه

العميل : كنت بسال علي خط إنتاج المناديل المبللة

المهندس منسي : من فضلك تابع مع مبيعات الشركة ستجد تليفونات مبيعات الشركة وعناوين فروع الشركة في هذا الرابط:

http://m2pack.me/%D8%A7%D8%AA%D8%B5%D9%84-%D8%A8%D9%86%D8%A7/

 

Categories
ماكينات صناعية

خط إنتاج الزبادي مقدم من شركة المهندس منسي

خط إنتاج الزبادي مقدم من شركة المهندس منسي

خط إنتاج الزبادي مقدم من شركة المهندس منسي
خط إنتاج الزبادي مقدم من شركة المهندس منسي

العميل : السلام عليكم

المهندس منسي : عليكم السلام

العميل : كم تكلفة خط إنتاج الزبادي إذا عندكم خطوط إنتاج زبادي ممكن إذا تكرمت تعطينا أسعار المشروع

المهندس منسي : من فضلك تابع مع مبيعات الشركة ستجد تليفونات مبيعات الشركة وعناوين فروع الشركة في هذا الرابط:

http://m2pack.me/%D8%A7%D8%AA%D8%B5%D9%84-%D8%A8%D9%86%D8%A7/